Revista e njohur italiane, Gambero Rosso e cila është më e madhja në këtë vend sa i përket fushës së gastronomisë, i ka kushtuar një reportazh të veçantë Shqipërisë, ku është ndalur specifikisht te zona Leskovikut në Kolonjë.
Revista përmend me detaje të gjitha destinacionet e turistike të zonës së Leskovikut, zonë kjo e cila me mrekullinë e saj natyrore po vijon të tërheqë gjithnjë e më shumë turistë nga e gjithë bota. Vëmendja e revistës ndalet kryesisht në Shelegur, Llixhat e Sarandoporit, rrugës panoramike Përmet-Leskovik e cila shoqërohet me pamjen magjike të lumit Vjosa dhe të shumë destinacioneve të tjera turistike dhe natyrore, të cilat i kanë dhënë kësaj zone një tjetër imazh ndërkombëtar.
Revista italiane përmend gjithashtu edhe agro-turizimin e kësaj zone, duke treguar vreshtat që ndodhen aty, sic është edhe ai i kantinës Max Mavrud, e cila është cilësuar si një nga 10 vererat më të mira në Shqipëri. Klima fantastike që ka kjo zonë, favorizon pjekjen e rushit në kohën e duhur dhe kjo shton akoma më teper cilësinë e verës që prodhon kjo zonë. Leskoviku po merr gjithnjë e më shumë zhvillim sa i përket sektorit të turizmit, kjo për shkak të bukurive natyre, por edhe mikpritjes së ngrohtë të banorëe të kësaj zone.