Bashkëpunimet me bizneset kanë qenë frytdhënëse për arsimin profesional, si në aspektin e përmirësimit të infrastrukturës ashtu dhe në promovimin  e tyre. Shkolla profesionale teknike në Korçë tashmë ka një infrastrukturë të përmirësuar sa i takon laboratorëve të punës ndërsa po promovohet gjerësisht nga bizneset duke i dhënë theksin zgjedhjes së këtij arsimi për të siguruar një profesion që do të sigurojë më pas një pozicionim të lehtë në tregun e punës.

Kjo shkollë ofron 6 drejtime studimi, atë të shërbime mjetesh transporti, mekanike, elektroteknike, ndërtim, termohidraulikë dhe Teknologji Iinformimi dhe Komunikimi. Për këtë vit mësimor, në këtë shkollë mësojnë mbi 470 nxënës.