KRWM si përfaqësuese e menaxhimit të mbetjeve të bashkisë Korçë është vlerësuar me çmimin “Kampioni i Gjelbër i Ballkanit Perëndimor 2023”, për zbatimin e praktikave më të mira për vitin 2023 në nxitjen e angazhimit dhe ndërgjegjësimit të komunitetit për ruajtjen dhe mbrojtjen e mjedisit dhe biodiversitetit. Çmimi është ndarë në eventin e organizuar nga Rjeti i Shoqatave të Autoriteteve Rajonale të Evropës Juglindore dhe Këshilli i Bashkëpunimit Rajonal bën me dije Administratori Nikolin Balli.

Mbrojtja e mjedisit mbetet një pikë thelbësore, pasi ai ndikon drejtpërdrejt në jetën e çdo njeriu dhe kjo kulturë duhet të përcillet dhe në brezat e rinj. Ndaj dhe herë pas here, në këtë Landfill bëjnë vizita dhe nxënës të shkollave për t’u njohur me procesin e transferimit të mbetjeve, depozitimin dhe trajtimin e tyre.