Në kuadër të organizimit të Maratonës Ndërkombëtare Enkelana në datën 29 Korrik, Bashkia e Pogradecit ka lajmëruar se do të bëhet bllokim i përkohshëm i aksit nacional Lin-Pogradec dhe Qafë Plloçë-Pogradec. Sipas burimeve zyrtare nga bashkia e Pogradecit bllokimi i rrugës do të vijojë për 1 orë e 30 minuta në fashën orare 19⁰⁰ – 20³⁰. Gjithashtu bëhet e ditur se bblokimi i rrugës do të kryhet në të dyja drejtimet, pra edhe në sensin kur vjen nga Tirana dhe nga Korça. Gjithashtu të bllokuara do të jenë edhe rrugët e qytetit të Pogradecit deri në përfundim të maratonës. Bashkia e Pogradecit i bën thirrje të gjithë drejtuesve të automjeteve që të marrin masa për të mos lëvizur në këtë orar në rrugën nacionale pra nga ora 19⁰⁰ deri në orën 20³⁰ të datës 29 korrik.