Edhe në bashkinë e Kolonjës vogëlushët kanë festuar 1 Qershorin, ditën e fëmijëve. Qindra fëmijë të moshave të ndryshme u mblodhën tek sheshi para bashkisë për të ndjekur dhe për tu argëtuar në aktivitetin e organizuar nga Qendra Kulturore e Fëmijëve Kolonjë. Festa filloi në orën 10 me një ekspozitë të pikturave të realizuara nga fëmijët për të vijuar me pas me koncertin festiv dhe një shfaqe të teatrit të Kukullave.

Pjesë e rëndësishme e festimeve ishte edhe panairi i kulinarisë përgatitur nga fëmijët e shkollës Papa Kristo Negovani, duke vijuar kështu traditën e prodhimeve karakteristike. Përgjatë gjithë paradites fëmijët janë argëtuar dhe kanë marrë pjesë në lojra të ndryshme të organizuara me rastin e festës së tyre.