Pas deklaratave të njëpasnjëshme rreth incidentit të mbrëmshëm në Qafëzez vjen dhe reagimi i kryetarit aktual në bashkinë e Kolonjës, i cili është shfaqur me hundën e fashuar në qendrën e votimit. Në orën 10:00 Isai ka votuar bashkë me bashkëshorten e tij dhe pasi ka dalë nga qendra për RTSH Korca ka deklaruar: “Në fakt sot duhet të mereshim me votimet, por më vjen keq që po meremi akoma me incidentin e sajuar nga ana e kandidatit të BF-së, fytyrën e të cilit e kam parë mbrëmë për herë të parë. Isha mbrëmë në Qafëzez vetëm për një kafe, por kandidati i BF-së nën avujt e alkolit trillon gjithcka. Votoni votoni votoni!”