Dhimitri Çyfeku është kreu i ri i degës së Partisë Demokratike të Rithemeluar të Korçës. Në garën e zhvilluar një ditë më parë morrën pjesë 577 anëtarë të kësaj force politike, nga të cilët 313 vota ishin për Dhimitër Çyfekun, 235 për Eleina Qiricin, 17 për Harito Zoto dhe 12 të pavlefshme. Çyfeku shprehet se puna nis tani për riorganizimin e strukturave dhe bashkimin e sa më shumë demokratëve.

I pyetur për numrin e ulët të anëtarëve që morën pjesë në votime krahasuar me gati dyfishin dy vite më parë, Çyfeku tha se gjithçka ka ardhur për shkak se nuk është ajo frymë si dy vite më parë, largimeve masive të njerëzve, si dhe mungesa e besimit. Për të gjitha këto Çyfeku shprehet se do të punojë fort për të ndryshuar situatën.