Skënderbeu është gati për ndeshjen e sotme, teksa pret Korabin në Korçë në orën 15:00. Ky takim është shumë delikat për ecurinë e korçarëve, që pavarësisht barazimit të fundit në Vlorë ia kanë dalë të mbajnë kreun e renditjes.

Tashmë kur mbeten për t’u luajtur edhe katër javë, te Skënderbeu nuk duan t’i lënë asgjë rastësisë dhe trajneri Ivan Gvozdenoviç nuk do gabime.

Pak minuta para ndeshjes së sotme, RTSH Korça do të vijë me një lidhje direkte në edicionin e lajmeve të orës 15:00, duke sjellë te shikuesit informacione rreth kësaj ndeshjeje.