9 klasa të 10-ta janë hapur për këtë vit shkollor pranë shkollës profesionale teknike në Korçë. Kjo tregon një interes të shtuar të të rinjve për të zgjedhur një nga drejtimet që kjo shkollë ofron, drejtime që i orientojnë ata drejt tregut të sigurt të punës.

Numri më i lartë i regjistrimeve është shënuar në drejtimin teknologji informacioni dhe komunikimi, teksa edhe drejtimet e tjera kanë patur interesin e të rinjve.

Ky vit i ri shkollor ka nisur edhe me një lajm të mirë për nxënësit e kësaj shkolle.

Këtë vit në shkollën profesionale teknike në Korçë në total në të gjitha drejtimet që ajo ofron ndjekin studimet rreth 490 nxënës.