Rreth 350 studentë janë regjistruar në programet e studimit të ciklit të dytë në Universitetin “Fan Stiljan Noli” në Korçë për këtë vit të ri akademik. Artur Prifti Drejtor i Kurrikulave dhe Vlerësimit Institucional, tregon për programet që kanë patur më tepër interes.

Pas mbylljes së të gjithë fazave të regjistrimeve, Prifti thotë se në universitetin e Korçës janë plotësuar rreth 45% e kuotave.

Universiteti “Fan Stiljan Noli” në Korçë ofron 23 programe studimi të ciklit të dytë mes të cilave 20 mastera profesionalë dhe 3 mastera shkencorë. Viti akademik për programet master viti i parë pritet të fillojë së shpejti.