Pas ndeshjes miqësore me KF Besën në fundjavë, tashmë ekipi liqenor është në udhëkryq përsa i përket situates  përfundimtare të skuadrës që do të jetë e  gatshme në fund të gushtit për nisjen e kampionatit. Tekniku i pogradecarëve Samuel Nikaj ka shprehur një sërë rezervash për një pjesë të lojtarëve të cilët kanë qenë edhe më herët pjesë e skuadrës por që sipas tij nuk janë përgjigjur si duhet regjimit që duhet të ketë një sportist për kategorinë e parë. Njëherazi Nikaj paralajmëroi largimet e disa lojtarëve nga kontigjenti i vjetshëm.

Tekniku i pogradecarëve foli për disa afrime të reja ndërsa ekipi përfundimtar do të përcaktohet ditën e shtunë së bashku me afrimet e reja. Ndeshjet miqësore të konfirmuara do të jenë me disa skuadra elitare si Flamurtari, Skënderbeu dhe Teuta, të cilat do të jenë një test për ekipin, ndërsa rezultati me to nuk do të thotë asgjë për Nikajn.

Deri ditën e diel pritet të grumbullohen deri në 38 lojtarë ndërsa skuadra përfundimtare do të përbëhet nga 22 lojtarë.