Në qytetin e Korçës janë disa piktura murale të realizuara nga artistë të ndryshëm. Jo vetëm si metoda inovatore për të zbukuruar qytetin me ngjyra e për t’i dhënë gjallëri, por këto piktura vijnë edhe me mesazhe kuptimplota. Muralja në fjalë është realizuar nga piktori Thanas Dushku dhe vjen me një mesazh sensibilizues për shoqërinë, mbi fenomenet e ngacmimit dhe bullizmit të përhapura gjerësisht në shoqëri.

Një tjetër grafikë e realizuar së fundmi në qytet, është ajo në afërsi të Lëndinës së Lotëve. Një grua me krahë që  simbolizonin pikërisht fluturimin drej lirisë, larg dhunës dhe kufizimeve, është ky mesazhi i përcjellë nga artistja korçare Ilektra Jole, e realizuar më pas në këtë përmasë, si një grafikë murale nga piktori Arjol Pepi.

Të edukosh përmes artit, kështu e kanë cilësuar qytetarët këtë formë aplikimi të artit dhe mesazhet që marrin prej tij.

Të tjerë artistë pritet të shpalosin artin e tyre në fasadat e pallateve të Korçës