Është kremtuar sot një nga ditët më të mëdha të besimit ortodoks, Shën Spiridhoni. Bësimtarë të shumtë kanë ndjekur meshën e shenjtë në Katedralen Ngjallja e Krishtit në qytetin e Korçës, duke dëgjuar nga klerikët për mrekullitë e shumta të këtij shenjtori të madh të kishës ortodokse, që ka jetuar në shekullin e tretë, por ende edhe sot trupi i tij që prehet në Korfuz të Greqisë është ende i paprishur.

Mesazhi që Shën Spiridhoni ka lënë për mbarë njerëzimin ka të bëjë me përulësinë dhe dashurinë për Zotin, si dhe me dhemshurinë e ndihmën për të varfërit e të pamundurit.

Ndërsa janë lutur për paqe e dashuri mes njerëzve, besimtarët ortodoksë kanë marrë edhe kungatën e shenjtë të kësaj dite.