Skënderbeu e ka fokusuar merkaton te reparti i mesit të fushës dhe duket se do të ketë prurje të reja. Mësohet se bardhekuqtë janë drejt finalizimit të marrëveshjes me dy mesfushorë mjaft cilësorë që do t’i bashkohen shumë shpejt ekipit. I pari është 21-vjeçari nga Kosova, Altin Kryeziu, lindur në Slloveni, mesfushori i Shpresave të Kosovës, aktualisht pjesë e Mariborit.

I dyti është Juri Merlim. Mesfushori brazilian ka luajtur sezonin e fundit me Flamurtarin në Kategorinë e Parë dhe sezonin e ri do të luajë në Superiore me Skënderbeun. Akordi është arritur me të dy lojtarët dhe shumë shpejt pritet që të firmoset edhe kontrata për t’u prezantuar zyrtarisht si lojtarët e bardhekuqve.