Skënderbeu është kualifikuar në raundin tjetër të Kupës së Shqiperisë pa zbritur fare në fushë. Ekipi kundërshtar i Delvinës ka zgjedhur të mos paraqitet në këtë përballje duke njoftuar FSHF-në dhe duke berë kështu që Skënderbeu të marrë 3 pikët në tavolinë. Duke parë edhe disivelin mes ekipeve dhe largësinë kilometrike mes Korçës dhe Delvinës, miqtë vendosën të mos udhëtojnë në këtë transfertë. Gjithsesi lojtarët bardhekuq kanë zbritur në fushë ditën e sotme për të vijuar normalisht seancën e radhës stërvitore duke u përgatitur për ndeshjen me Vllazninë e cila luhet të shtunën në orën 17:00 në stadiumin Skënderbeu të Korçës. Korçarët kanë 12 pikë deri tani në 8 javë kampionat dhe ndaj shkodranëve do të kërkojnë një tjetër rezultat pozitiv për t’u rikthyer te fitorja pas humbjes 2-0 me Laçin.