5 tetori i vitit 2021 shënon ndarjen nga jeta të Kosta Grillos. Pas një beteje të gjatë  me Covid-19, legjenda e komentimit mbylli sytë përgjithmonë. Kosta u largua nga kjo jetë duke lënë pas dashurinë e tij për gazetarinë, për mikrofonin, për ekranin… Kosta Grillo mund të quhet padyshim një nga pionerët e gazetarisë shqiptare, sidomos në komentimin e ndeshjeve të futbollit. Zëri i tij kumbues ka mbetur thellë në memorien e çdo tifozi shqiptar.

Kosta Grillo e nisi profesionin e tij shumë herët, që kur ishte adoleshent, por fati i keq donte që ai ta linte shumë shpejt, ashtu vjedhurazi duke u larguar nga kjo jetë për të komentuar lart në qiell dashurinë e vet për futbollin. Vitet kalojnë, por zëri unik i Kosta Grillos do të mbetet gjatë në mendjen e të gjithëve dhe do të oshëtijë në veshët tona. Ky tifoz i zjarrtë, ky njeri i drejtë, ky menaxher i zoti, ky gazetar i shkëlqyer, ky mik, ky shok do të jetojë gjithmonë me kujtimet e tij. I paharruar Kosta Grillo… miku ynë!