3519 nxënës janë depistuar mbi shikimin dhe 615 prej tyre janë referuar më pas tek mjeku specialist për problemet e hasura. Programi për kujdesin e shikimit përfshin fëmijët e grupmoshës nga 6 deri në 14 vjeç dhe sipas mjekes okuliste Eva Koça nga rastet e referuara, 2 janë problematikat kryesore të hasura, syri dembel dhe syri i devijuar që në gjuhën mjekësore njihet si strabizmi.

Nisur nga problemet e hasura tek fëmijët, mjekja këshillon prindrit që të shmangin sa më tepër përdorimin e smartphonave.

Programi për kujdesin e shikimit për fëmijët zbatohet tashmë prej tre vitesh. Në këtë proces janë të angazhuar 12 mjekë që kryejnë depistimin e fëmijëve në shkollat 9-vjeçare dhe për këtë vit ky proces është drejt përfundimit.