Skënderbeu do të luajë ndaj Teutës ndeshjen e vlefshme për javën e katërt të “Abissnet Superiore”. Në stadiumin “Skëenderbeu” të Korçës bardhekuqtë presin durrsakët për të rruajtur vazhdimësinë e rezultateve pozitive, pasi vijnë nga triumfi kundër Vllazninsë në ndeshjen e fundit. Për trajnerin Gvozdenovic, skuadra është gati për një tjetër fitore dhe fakti që do të kenë sërish mbështetjen e madhe të tifozerisë, ja u bën më të thjeshtë këtë duel.

Sa i përket gjendjes së skuadrës, Gvozdenovic u shpreh se mungesa e Janaqit i prish disi planet, ndërsa theksoi se dy afrimet e fundit të merkatos nuk janë ende gati për të luajtur.

Ndeshja Skënderbeu-Teuta do të luhet të mërkurën në orën 19:00 në stadiumin “Skënderbeu” të Korçës.