Ka përfunduar me sukses konkursi mes shkollave 9-vjeçare “Riciklimi Kreativ” organizuar nga Shkolla Profesionale Teknike në Korçë, me qëllim promovimin e arsimit profesional, nxitjen e kreativitetit dhe afrimin e nxënësve me profesionet. Nxënësit me ndihmën e mësuesve dhe instruktorëve të shkollës profesionale krijuan produkte me materiale të riciklueshme.

Nxënësit tregojnë punimet e tyre dhe mënyrën e realizimit të çdo produkti.

Në këtë konkurs morrën pjesë 8 shkolla. Vendin e parë e fitoi shkolla 9-vjeçare “Xhavit Dishnica”, vendin e dytë shkolla “Isuf Dalipi”, dhe të tretin shkolla “Mësonjëtorja e parë shqipe”.