Cirku “Fantastik Show” ka mbërritur në qytetin e Korçës duke dhuruar spektakël dhe mjaft emocione. Qindra fëmijë të shoqëruar nga prindërit e tyre kanë ndjekur programin me numra shpejtësie nga iluzionistët, me shumë humor dhe muzikë. Për organizatorin dhe iluzionistët shfaqje të tilla janë shumë të nevojshme për argëtimin e fëmijëve.

Pas shfaqjes vogëlushët nuk ngurojnë të shprehin dëshirën që organizime të tilla duhet të jenë më të shpeshta.

Kjo nuk është hera e parë që Cirku “Fantastik Show” vjen në Korçë për të argëtuar vogëlushët, teksa shfaqja e rradhës pritet të jetë në muajin shtator.