Drejtoria Rajonale e Shërbimit Veterinar është duke kryer monitorime në terren për Influencën Aviare, e njohur ndryshe si gripi i shpendëve, duke marrë mostra të shpendëve në fshatrat e miratuar në bazë risku. Aktualisht situata epidemiologjike në qarkun e Korçës është e qetë pasi deri tani nuk ka patur raste të shfaqjes së kësaj sëmundjeje.

Ozuni u bën thirrje fermerëve që të njoftojnë shërbimin veterinar më të afërt, nëse konstatojnë ngordhje të menjëhershme të shpendëve.

Duke marrë parasysh se influenca aviare, është konfirmuar në shtetet fqinje, stafi i shërbimit veterinar është në terren po ashtu edhe për të informuar fermerët për rrezikun që paraqet sëmundja dhe masat që duhen marrë.