Sot përfundon faza e dytë e regjistrimeve për raundin e dytë në Institucionet e Arsimit të Lartë. Në Universitetin “Fan S.Noli” në Korçë në fazën e parë të raundit të dytë janë regjistruar 52 maturantë ndërsa në fazën e dytë, deri më tani janë 32 maturantë bën me dije Drejtori i Kurrikulës dhe Vlerësimit Institucional Artur Prifti.
Prifti bën me dije se ndërkohë departamentet janë duke punuar për pranimet e kategorive të veçanta në këtë Universitet.
Viti akademik 2023-2024 nis në datën 2 tetor.
Deri tani në Universitetin “Fan S.Noli” në Korçë janë regjistruar 440 maturantë, ndërsa janë edhe 3 faza të tjera deri në përfundim të raundit të dytë, për regjistrimin e maturantëve që do të zgjedhin këtë Universitet për të vijuar studimet universitare. Ky raund përfundon në 1 tetor.
