Humbja ndaj tiranës është lënë pas krahëve në Korçë dhe të gjithë janë të përqëndruar tek ndeshja e së martës ndaj Teutës. Një tjetër ndeshje në transfertë për bardhekuqtë në këto katër javë të para kampionati. Përtej vështirësisë së ndeshjes, trajneri Ivan Gvozdenoviç ka kërkuar maksimumin nga të tijët për të bërë reagimin e duhur pas humbjes së një jave më parë. Në Konferencën për shtyp numri një i pankinës korçare ka folur për gjendjen e ekipit dhe vështirësinë e këtij takimi.

Ndeshja ndaj teutës që përkon me javën e katërt të sezonit në Kategorinë superiore do të luhet të martën në Durrës, në orën 15:00. Bardhekuqtë do të kërkojnë rikthimin tek rezultatet pozitive për të vijuar rrugëtimin në vendet e para të renditjes.