Pas Njësive të reja të dentistrisë në shkolla në Tiranë, Durrës, Elbasan dhe Shkodër ky shërbim është zgjeruar me investimin e ri të Ministrisë së Shëndetësisë dhe Mbrojtjes Sociale edhe në disa shkolla në Korçë e Maliq. Bëhet fjalë për ngritjen e tre kabineteve të reja dentare në shkollat 9 vjeçare “Sotir Gurra” dhe “Stavri Themeli” në qytetin e Korçës dhe shkollën e mesme të bashkuar “Bardhyl Pojani” në njësinë administrative Pojan të bashkisë së Maliqit.

Duke nisur nga shtatori me fillimin e vitit të ri shkollor, ky shërbim do të ofrohet edhe në shkollat e Korçës, për të mundësuar që më shumë fëmijë të kenë akses në shërbimet e kujdesit dentar, duke lehtësuar edhe prindërit, duke qënë se këto shërbime janë falas.