Greqia nuk ka qetësi nga tërmetet. Një lëkundje me magnitudë 4.2 të shkallës Rihter, u regjistrua në orën 05:18 (me orën lokale) në Kretë të Greqisë.

Epiqendra ka qenë në zonën detare 32 kilometra në jug-juglindje të komunitetit Goudouras (Lassithi, Kreta lindore ), sipas të dhënave nga sizmografët e Institutit Gjeodinamik të Observatorit Kombëtar të Athinës.

Sipas mediave greke, deri më tani nuk ka raportime për të lënduar apo për dëme materiale.