Një mbrëmje e mrekullueshme në sallën e teatrit të Korçës me koncertin e shkëlqyer të Orkestrës Simfonike të Radio-Televizionit Shqiptar.

Në kuadër të Festës së Muzikës dhe Javës së Kulturës Ndërkombëtare Ambasada e Francës në Shqipëri në bashkëpunim me Aleancën Franceze në Korçë dhe Radio Televizionin Shqiptar sollën përmes një koncerti veprat e kompozitorëve më të njohur francezë mes dirigjimit të maestro Aurelien Azan Zielinski dhe violinistes franceze Anna Göckel. Një sallë e mbushur plot e cila shijoi në maksimum emocionet e dhuruara nga kjo orkestër.