Me rastin e festës së Fitër Bajramit, Myftiu i Korçës Ledian Çikalleshi ka pritur vizita urimi në ambjentet e Myftinisë së Korçës. Urime të shumta janë përcjellë mes njëri-tjetrit ndërsa kanë vizituar myftininë, përfaqësues të besimeve të tjera fetare, pushtetit vendor si dhe besimtarë të shumtë.

Festa e Fitër Bajramit simbolizon sakrificën dhe përkushtimin ndaj zotit. Kjo ditë e shenjtë, pas ndjekjes së ritit fetar në xhami, vijon me festime në familje ku urohet për shëndet, mirësi e begati ndërsa shtrohet dreka tradicionale e kësaj feste.