Interi u kualifikua sonte në gjysmëfinalen e Champions League, teksa eliminoi në çerekfinale Benfican, me rezultatin e përgjithshëm 5-3.

Pas ndeshje së parë në Portugali, të fituar 0-2, zikaltërit barazuan me rezultatin 3-3 në ndeshjen e kthimit, për të prerë biletën për më tej.

Në gjysmëfinale, Interi do të përballet me Milanin, duke u ritakuar bashkë pas 18 vitesh në gjysmëfinalen e Championsit. Një derbi që premton spektakël dhe skuadrat do të kërkojnë me çdo kusht finalen e madhe.