Ansambli i Harqeve vjen në Korçë me një koncert të dedikuar 80-vjetorit të lindjes së dirigjentit të madh Eno Koço. 100 vjet muzikë kulte në Korçë është koncerti që do të bëjë bashkë emra të mëdhenj të muzikës si Gent Koço dhe Fatos Bardulla në violin, Kristo Sherko në kitarë, Orges Malaj në Fagot nën idenë e Pandi Bellos dhe performance fantastike të Jani Papadhimitrit, Vasil Toles, Endri Sinës, Tonin Arapit etj. Koncertmaestrin dhe udhëheqësi artistik Lorenc Radovani përmes një lidhjeje Skype me emisionin e mëngjesit në RTSH Korça bëri me dije se ky koncert në nder të dirigjentit Eno Koço, do të jetë një performancë artistike me vepra kryesisht të autorëve korçarë.

Për Sekretarin e akademisë së Shkencave, Vasil Tole, Korça është një nga polet më të rëndësishme që ka dhënë kontributin e vet për muzikën kulte. Kjo e bën të lehtë ardhjen e Ansamblit të harqeve në një qytet me të tillë kulturë.

Ansambli i Harqeve do të vijë në Korçë të shtunën e 1 prillit në një koncert madhështor në sallën e teatrit A.Z Çajupi në orën 19.00.