Një ndër kulturat bujqësore të zgjedhura nga fermerëqt e Maliqit është dhe rrushi. Sipërfaqja me vreshta shkon deri në 150 HA ndërsa sa i takon prodhimit, këtë vit pritet të jetë më cilësor pasi nuk ka pasur prekje nga sëmundjet.

Fermeri Altin Çeçi ka një sipërfaqe me vreshta rreth 6 HA ndërsa kanë nisur vjeljen e varietetit Perla i cili është pjekur me herët. Prodhimin ai e përdor për verë e raki ndërsa kërkesat në treg për këto pije nuk mungojnë.

Fermerët kanë kryer më pak trajtime kimike tek rrushi këtë vit, kjo për faktin se mungesa e lagështisë ka qenë në favor për mos shfaqjen e sëmundjeve e dëmtuesve në vreshtari.