Në kuadër të procesit të decentralizimit, u nënshkruan marrëveshjet në fushën e arsimit, shëndetësisë dhe bujqësisë, në një ceremoni të organizuar nga Ministri i Shtetit për Pushtetin Vendor në Qendrën për Hapje dhe Dialog në ambientet e Kryeministrisë. Ministrja e Arsimit dhe Sportit, Ogerta Manastirliu, nënshkroi marrëveshjen e rëndësishme për decentralizimin e funksioneve në arsimin parauniversitar me kryetarët e katër bashkive, të Shkodrës, Beratit, Kolonjës dhe Divjakës. Marrëveshjet për decentralizimin e funksioneve nga niveli qendror në nivelin vendor u nënshkruan edhe në fushën e shëndetësisë dhe bujqësisë nga ministrat përgjegjës, Albana Koçiu dhe Anila Denaj. Ministrja Manastirliu u shpreh se ky është një kapitull i ri për zgjerimin e kompetencave të bashkive në funksion të përmirësimit të cilësisë së arsimit në vend.

Ministrja Manastirliu tha se marrëveshja synon të përmirësojë menaxhimin e arsimit parauniversitar.

Projekti pilot në Shkodër, Berat, Divjakë dhe Kolonjë synon të testojë modele të reja të decentralizimit dhe të riorganizimit të shërbimeve arsimore.