Skënderbeu për femra në volejboll do udhëtojë sot drejt kryeqytetit për t’u ndeshur me ekipin e Partizanit në ndeshjen e tyre të tretë finale. Dy të parat kanë përfunduar me nga një fitore për secilën skuadër. Ndeshja e sotme do të zhvillohet në Pallatin e Sportit “Asllan Rusi” në Tiranë, në orën 18:30.

​Tifozët korçarë mund të shkojnë për të mbështetur ekipin në këtë transfertë. Për tifozët që udhëtojnë nga Korça, do të vendoset një autobuz në dispozicion për ta ndjekur ndeshjen. Nisja e autobuzit do të bëhet në pallatin e sportit të Korçës në orën 13:30.