Afrimi i fëmijëve me librat dhe kultivimi i dashurisë për leximin ka qenë qëllimi i një aktiviteti të zhvilluar ditën e sotme në bibliotekën Thimi Mitko të qytetit të Korçës. Në kuadër të tetorit si muaj i letërsisë, nxënësit e klasës së dytë të shkollës Pandeli Cale kanë zhvilluar një bisedë me ish mësuesen e aktoren Desdemona Mehmeti. Nëpërmjet komunikimit, lojës por edhe përrallave të cilat kanë tërhequr vogëlushët, Desdemona është përpjekur të japë mesazhe të rëndësishme për fëmijët.
Biblioteka Thimi Mitko e Korçës ka qenë iniciatore e shumë aktiviteteve të zhvilluara në kuadër të muajit të letërsisë, ndërsa deri në fund të tetorit priten edhe të tjera organizime.