Përbërësit për 4-6 persona:

5-6 karota

250 g bizele kokërr, të freskëta ose të ngrira

1 copë e madhe djathë i bardhë

3 qepë të njoma

5 kokrra vezë

500 ml pana për kuzhinë

brokoli – disa degë të vogla

arrë moskat,

kripë e piper,

sipas dëshirës pak gjalpë për të lyer tavën

Përgatitja:

Ndezim furrën në temperaturën 180° C.

Në një tenxhere me ujë të valuar me kripë, ziejmë për 15 minuta bizelet. I kullojmë dhe i hedhim menjëherë në një tas me ujë, që të mos humbin ngjyrën jeshile. Po kështu veprojmë edhe me brokolit.

Karotat e prera në kubikë, i hedhim në tenxheren me ujë të valuar ku kemi zier më parë bizelet dhe i lëmë të valojnë për 7-8 minuta.

Në një tas, rrahim vezët, shtojmë panën, djathin, kripë, piper dhe arrë moskat sipas dëshirës dhe më pas i përziejmë me lugë.

Shpërndajmë në tavën e lyer me pak gjalpë, perimet e ziera dhe qepën të grirë në kubikë të vegjël, e më pas hedhim sipër përzierjen e vezëve me panën. E pjekim për rreth 30 minuta ose derisa të shohim që është mpiksur dhe ka marrë ngjyrë në sipërfaqe.