Në 35 vjetorin e mbarimit të maturës në shkollën e mesme artistike “Tefta Tashko Koço”, ish nxënësit u takuan në klasën ku dikur zhvillonin mësimin. Çdo përvjetor, ata janë takuar me njëri-tjetrin, duke ruajtur fort atë shoqëri të krijuar në vitet më të bukura, kur krijohen shoqëritë e pastra  që i rezistojnë një jete.

Në këtë klasë kanë qenë 30 nxënës që studionin për kanto dhe beglat muzikore klarinetë dhe trompë. Disa prej mësuesve që ata sot i kujtojnë me nostalgji dhe respektin më të madh janë Anesti Furxhi që në ato vite ishte drejtor i shkollës, Lida Kotelli, Marjeta Jasi, Shpëtim Kuqo, Zana Ngjela, Andromaqi Lubonja, Flora Evro, Jani Joro, etj. Në këtë takim pas 35 vitesh, këta nxënës ruajnë ende edhe fletoret me kujtimet e njëri-tjetrit.

Edhe nxënës të tjerë të kësaj shkolle, në përvjetoret e maturës takohen për të rikujtuar ato që quhen vitet më të bukura në jetë, vitet e gjimnazit.