Brenda këtij 10 mujori në Qarkun Korçë janë regjistruar mbi 2 mijë mjete të cilat përmbushin normën Euro 4 si një masë kundër ndotjes së ajrit nga shkarkimet e mjeteve motorrike. Përgjegjësi i regjistrimit pranë Drejtorisë Rajonale të Shërbimeve të Transportit Rrugor në Korçë Erald Hoxhallari shpjegon se janë disa kushte që duhet të përmbushen sa i takon rregullave të reja të importit të makinave, ndaj ju rikujton të gjithë personave që para se të blejnë një makinë jashtë shtetit, të verifikojnë nëse mosha e mjetit përmbush kriteret e importit dhe rëgjistrimit në Shqipëri me qëllim evitimin e shpenzimeve për ta.

Më tej Hoxhallari shton se kohët e fundit kanë nisur të regjistrohen edhe mjete që përmbushin normën euro 5, edhe pse të pakta në numër, përfshirë këtu mjetet hibride dhe elektrike.