• Turizëm dhe Kulturë

Piktorja korçare shkëlqen në Angli/ Vlerësohet me çmimin “Kurorëzimi i Mbretit Karl III”

Piktorja korçare Suela Pulaha Brown e cila ushtron aktivitetin e saj artistik në Britaninë e Madhe, është vlerësuar me çmim të parë dhe me medalje të veçantë të krijuar ekskluzivisht për të me rastin e kurorëzimit të Mbretit Çarls “King Charles III Coronation Award”.

Ky vlerësim shkoi për pikturës e reazlizuar në vaj të stilit klasik, një portret i Novelistes së njohur angleze George Eliot, një prej figurave të mirënjohura të shekullit të 18-të, të prezantuar në mënyrë origjinale dhe autentike. Kjo pikturë e artistes shqiptare, është ekspozuar në disa prej qyteteve të Anglisë së Mesme dhe së fundmi, edhe në muzeun e qytetit në te cilin piktorja jeton.

Suela Pulaha Brown është vlerësuar edhe herë të tjera me çmime të para si edhe trofe, sikurse kanë qenë 2 çmime vitin e kaluar, një nga të cilat shkoi për portretin e mbretëreshës Geraldinë të realizuar në vaj dhe tjetri për disa punime në miniaturë.

Më herët është vlerësuar me çmim të 1 në Festivalin e 72-të të Artit, dhe trofeun për punimin më të spikatur abstrakt. Padyshim vlerësime të jashtëzakonshme për korçaren që punon dhe jeton në Angli.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *