Operatori i Shpërndarjes së Energjisë Elektrike ka nisur zëvendësimin e disa shtyllave elektrike në qytetin e Korçës. Me kalimin e kohës ato ishin dëmtuar dhe ishte e nevojshme që të ndëroheshin. Veç tyre, do të bëhet edhe zhvendosja e një shtylle në rrugën 10 korriku e cila ndodhet në rrugën automobilistike, për ta vendosur më pas në trotuar. Drejtori i OSHEE Korçë Artur Qeramixhi bën me dije se sa i takon funizimit me energji, së shpejti do të ndërhyhet për përmirësimin e linjave në 3 fshatra té bashkisë Kolonjë, përkatësisht në Qinam, Selenicë e Rehovë, projektet e të cilave janë në proces prokurimi.

Bëhet fjalë për projekte të cilat tashmë janë gati për t’u dorëzuar e përfshijnë disa fshatra ku ka më tepër probleme për furnizimin me energji gjatë ditëve me mot të keq si fshatrat Podgorie, Zvezdë, Drenovë, Mborje, Qatrom, etj.

Qeramixhi bën me dije gjithashtu se një projekt tjetër është gati për rrjetin elektrik të bashkisë Pustec, ku parashikohet shtrirja e një linje të re. Deri tani kjo bashki furnizohet me energji nga bashkia Devoll.