Profesioni i tij është ndërtues por gjatë këtyre 40 viteve, ai nuk e ka lënë pas dore pasionin e tij, një artist multidimensional që krijon objekte të ndryshme në dru dhe allçi.

Dashuria e tij e parë është piktura na thotë Çlirimi, të cilën nisi ta ushtrojë në kohën kur ishte student.

Krijimi i çdo objekti është produkt i fantazisë së Çlirimit. Ai na shpjegon se gjithçka është origjinale sipas mënyrës së tij.

Veç punimeve në allçi, artisti krijon edhe punime në dru, si figura e portrete që i gdhend me daltë.

Muçollari thotë se nuk e ka menduar asnjëherë, që pasionin e tij ta kthejë në biznes fitimprurës.

Çlirim Muçollari është babai i 3 fëmijëve. Ai na thotë se pasionin e tij për pikturën e ka trashëguar edhe një prej vajzave me të cilën pikturon herë pas here.

Mes punimeve të shumëllojshme, Çlirimi na veçoi dy makete shtëpish që për të kanë një domethënie të veçantë.