Një mbrëmje e veçantë poetike është mbajtur në Korçë me krijimtarinë e poetit dhe shkrimtarit Artan Gjyzel Hasani, një ndër zërat më të fuqishëm të poezisë moderne shqiptare, i njohur për tematikat e veçanta ndonjëherë edhe tabu që trajton në krijimtarinë e tij dhe për strukturën e veçantë të poezisë. Poeti Artan Gjyzel Hasani, mes emocionesh është shprehur se këtë mbjemje poetike ia ka dedikuar një prej poetëve korçarë që ka përqafuar i pari letërsinë moderne, Ilir Belliu.

Poeti Artan Gjyzel Hasani, është rikthyer në Korçë pas shumë vitesh, duke sjellë këtë mbrëmje të veçantë për adhuruesit e letërsisë e poezisë moderne.

Kanë qënë aktorët e teatrit të Korçës, që kanë interpretuar disa prej poezive më të mira të poetit duke përcjellë emocione tek publiku artdashës korçar.

Artan Gjyzel Hasani ka lindur nё Peshkopi, prej vitesh ai jeton në Kanada. Ai ka shkruar mbi 10 vëllime me poezi 3 romane dhe 2 libra të natyrës eseistike.