Tani është zyrtare. Ivan Gvozdenoviç do të jetë trajneri i Skënderbeut edhe për një sezon tjetër. Tekniku bardhekuq dhe presidenti Ardjan Takaj kanë arritur marrëveshjen për zgjatjen e kontratës duke zgjidhur përfundimisht të ardhmen e trajnerit serb.

Pas shpalles kampion i Kategorisë së parë dhe arritjes së objektivit për rikthimin në Superiore, presidenti Takaj ka konfirmuar trajnerin Gvozdenovic në krye të stafit teknik. RTSH Korça e paralajmëroi ditën e djeshme që akordi paraprak ishte arritur dhe sot ka ardhur firma mbi kontratë.