Klubi Rotarian i ‘Korça West’ ka organizuar mbrëmjen festive të fundvitit. Në ambientet e restorant “The Pan” antarët e këtij klubi janë mbledhur bashkë për të festuar dhe për të trokitur gotat me njëri-tjetrin. Kur nuk janë mbushur ende 2 vjet nga themelimi i “Korça West”, ky klub po tregon me vepra se është në shërbim dhe ndihmë të qytetit dhe komunitetit me projektet e zhvilluara. Presidenti i Rotaty club of Korça West, zoti Maksim Fejzulla në fjalën e tij përshëndetëse uroi të gjithë antarët me rastin e festave të fundvitit dhe deklaroi se projekte të tjera të rëndësishme e presin këtë klub në të ardhmen.

Në këtë mbrëmje festive janë bashkuar me klubin Korça West edhe disa anëtarë të rinj, figura të njohura të qytetit të Korçës. Korça West është klubi i ri Rotarian në qytetin e Korçës i krijuar më 18 shkurt të vitit 2022 dhe në kaq pak kohë ka demostruar se është gjithmonë në ndihmë të qytetit të Korçës kryesisht, por edhe të komunitetit në tërësi.