Përveç lyerjes së gjithë mabjentit dhe punimet e mirëmbajtjes në dhoma apo ambjentet e tjera, do të kryhet dhe sistemimi i oborrit të konviktit ku studentët mund të kalojnë kohën e lirë. Godina ka një kapacitet prej më shumë se 140 shtretërish dhe ofron kushtet oprimale për akomodimin e studentëve. Duke qenë se stina e dimrit në Korçë është e gjatë dhe e ftohtë, është siguruar ngrohja përmes kaldajës e me peled .Drejtori Shkëlqim Kajmaku bën me dije se sa i takon tarifave të akomodimit, edhe për këtë vit nuk do të ketë ndryshim dhe do të vijojnë në të njejtat nivele prej 4900 lekësh në muaj në dhoma me 2 persona. Ndërsa për studentët  që dëshirojnë të qëndrojnë në dhoma teke, pagesa shkon në 7 mijë lekë në muaj. Në godinë një dhomë është rezervuar për kalimin e kohës së lirë ku studentët kanë  mundësi të shohin televizor ndërsa iu ofrohet dhe shërbimi i internetit falas pa limit. 4 vite më parë godina iu nënshtruar rikonstruksionit nga Fondi Shqiptar i Zhvillimit, duke bërë që kjo njësi akomoduese tashmë të ofrojë kushte mjaft të favorshme për sudentët.