Kandidati i koalicionit Bashkë Fitojmë për bashkinë Devoll, Elvis Hajdërlli ka qenë në fshatin Hoçisht në kuadër të takimeve elektorale për zgjedhjet e 14 majit. Ai ka premtuar nxitjen e turizmit kulturor dhe fetar si promotor i zhvillimit të Hoçishtit dhe mbarë Devollit.
“Hoçishti është i njohur si djepi i kulturës devollite, një fshat me tradita të hershme patriotike, atdhetare, kulturore dhe shembull i bashkëjetesës fetare. Hoçishti i serenatave dhe mandolinave! Të jesh në Hoçisht është kënaqesi e veçantë sepse tradita e kulinarisë, mikpritjes dhe bujarisë janë ruajtur ndër breza edhe sot. Mjeshtërit e punimit të gurit, i kanë lënë trashëgimi brezave disa ndërtesa historike siç është Kisha e Shen Kollit, një kishë ortodokse e ndërtuar në shekullin e 18-të dhe shpallur monument kulture. Por jo te gjithe janë në dijeni të ketij fakti sepse bashkia aktuale nuk ka pasur kurre në vëmendje promovimin e vlerave të trashëgimise kulturore dhe fetare. Ashtu sikurse “ Satrivaçi” shërben si vend pelegrinazhi për gjithë krahinën tonë, ne synojmë që kjo traditë e mrekullueshme të zhvillohet edhe me kishën e Shëndëllisë, nje resurs natyror dhe fetar i papërsëritshëm, përmes ndërhyrjeve që do të bëjme në infrastrukturën rrugore që të çon në këtë vend të shenjtë por dhe me projekte të tjera për ta kthyer në origjinën e hershme. Në vizionin tonë, turizmi kulturor dhe fetar do të jetë promotor i zhvillimit të Hoçishtit e mbarë Devollit. Ne synojmë ndërhyrje në:
- çakullimin e rrugëve të brendshme të fahatit dhe rrugëve bujqësore
- heqjen e taksës së gjelbërimit, të cilën fshatarët e paguajnë kot, pa e marrë këtë shërbim
- nxitjen e iniciativave që përkrahin fermerët
- nxitjen e turizmit dhe organizimin e festave fetare me mbështetjen e bashkisë.
Mirënjohës e falenderues për mbështetjen tuaj, ju siguroj se do të punojmë fort për të arritur me sukses objektivat tona për Hoçishtin”, tha Hajdërlli gjatë takimit me banorët e Hoçishtit.