Rreth 100 mijë persona janë regjistruar vetëm gjatë kësaj jave në hyrje e dalje të pikave të kalimit kufitar të Kapshticës e Qafë Thanës. Bëhet fjalë për emigrantë që vijnë për të kaluar pushimët në atdhe apo për të takuar familjarët e tyre, por të shumtë janë edhe turistët e vizitorët e huaj që zgjedhin pika të ndryshme turistike në Shqipëri për të kaluar disa ditë. Për të menaxhuar fluksin e lartë të kalimeve pala shqiptare është duke punuar me numër maksimal sportelesh të cilat vendosen në hyrje apo dalje sipas fluksit të momentit. Pritet që i gjithë muaji gusht të ketë një numër edhe më të madh hyrjesh në vendin tonë përmes pikës së kalimit kufitar të Kapshticës.