Është promovuar në Korçë libri monografik i autorit dhe studiuesit Syrja Xhelaj me titull “Baba Zylfo Turani (Martir i kombit)”, botuar nga Instituti i Studimeve për Krimet dhe Pasojat e Komunizmit, i cili i kushtohet rolit të madh të bektashizmit në çështjet kombëtare, por kryesisht rolit të baba Zylfo Zaimit në luftë dhe përpjekjeve për mësimin e gjuhës shqipe dhe mbrojtjen e territoreve shqiptare.

I pranishëm në këtë veprimtari ka qënë Kryegjyshi Botëror Bektashian, Hirësia e Tij, Haxhi Dede Emond Brahimaj, i cili ka vlerësuar kontributin e Baba Zylfo Turanit jo vetëm në aspektin fetar por edhe atë kombëtar.

Libri është bazuar jo vetëm në gojëdhëna por edhe në dokumenta arkivore të Arkivit Qendror Shtetëror, si dhe në libra të botuar nga studiues, historianë vendas dhe të huaj, si dhe nga Arkiva e Kryegjyshatës Botërore Bektashiane.