Kandidatja e koalicionit “Bashkë Fitojmë” për bashkinë e Korçës Ledina Alolli ka prezantuar një nga projektet që sipas saj do të ndikojë në uljen e kostos së jetesës për banorët si dhe në pastrimin e ajrit. Termoizolimi i të gjitha banesave në qytetin e Korçës, sipas Alollit është një projekt që ajo premton ta përfundojë brenda mandatit 4 vjeçar të drejtimit të bashkisë. Alolli shpjegoi edhe përfitimet që do të kenë qytetarët nëpërmjet këtij projekti.

Për realizimin e termoizolimit Alolli tha se bashkia do të përdorë çdo vit rreth 30% të buxhetit ndërsa do të gjenden edhe mundësi financimi nga donatorë të huaj.