Shkencëtarët kanë analizuar të dhënat 30-vjeçare nga misioni Magellan i NASA-s në planetin Afërditë dhe kanë zbuluar shenjat e para të aktivitetit vullkanik në planet, që burojnë nga një krater gjigant i quajtur Maat Mons.

Magellan, i lëshuar në maj 1989, ishte anija e parë kozmike që hartoi të gjithë sipërfaqen e Afërditës.

Imazhet e radarëve të misionit zbuluan se Afërdita është e mbushur me vullkane, por në atë kohë shkencëtarët nuk mund të tregonin nëse ndonjë prej tyre ishte ende aktiv apo jo.

Një analizë e re e këtyre arkivave 30-vjeçare ka zbuluar një fryrje vullkanike me llavë në rajonin e Atla Regio, pranë ekuatorit të planetit.

Maat Mons është vullkani më i lartë në planetin Afërditë, i cili është i lartë 8,000 metra dhe gjendet mbi fushat vullkanike dhe terrenin e deformuar të sipërfaqes së planetit.

Ky zbulim u jep shkencëtarëve një ide të zbulimeve që do të tregojë misioni i ardhshëm i NASA-s. VERITAS.

Misioni i tij është të krijojë modele 3D të planetit për të zbuluar sekretet e tij më të brendshme.