Në të gjithë vendin sot ka nisur viti i ri akademik 2023-2024. Në universitetin “Fan Stiljan Noli” në Korçë janë regjistruar rreth 540 studentë, 417 në bachelor dhe 120 studentë të tjerë në programet dyvjeçare. Programet e preferuara edhe për këtë vit janë Infermieria, Informatika, Edukimi Fizik, si dhe programet e Fakultetit të Bujqësisë dhe atij të Ekonomisë.

Programet të cilat diskutohen të pezullohen janë: Filozofi- Sociologji dhe Ekonomiks. Po ashtu numër të ulët të studentëve ka edhe në programet Matematikë-Fizikë dhe Matematikë-Informatikë. Vendimi për pezullimin e tyre pritet të merret nga Senati Akademik.

Në ndryshim nga vitet e tjera kësaj here vihet re një interes i ulët për programet dy vjeçare, ndërkohë që priten të tjera regjistrime në ditët në vijim. Në total në universitetin e Korçës janë rreth 3 mijë studentë për këtë vit akademik.