Partia Demokratike me kryetar në detyrë Enkelejd Alibeaj ka dorëzuar mbrëmë në KQZ listat e kandidatëve për kryetar bashkie por dhe listat për këshilltarë të bashkive
Në Tiranë PD kandidon me Roland Bejkon përballë Belind Këlliçit i dalë nga primaret e PD-së por që kandidon me vulën e Partisë së Lirisë, në emër të koalicionit “Bashkë Fitojmë”. Ndërkohë lista e kandidatëve për këshilla bashkiakë kryesohet nga Enriketa Pandelejmoni, pedadoge në Universitetin e Tiranës, ish futbollisti Gentian Muça dhe pedagogia Irisi Bejleri.
Lista ndër të tjera përbëhet nga 37 kandidatë që vijnë nga privati, 5 pedagogë e 6 studentë
Në Shkodër PD e Alibeajt do të kandidojë vetëm për këshillin bashkiak duke e lënë fushë të lirë për Bardh Spahinë si kandidat i koalicionit “Bashkë Fitojmë” të Sali Berishës dhe Ilir Metës.
Edhe në bashki të mëdha si Durrësi, Vlora, Berati, Elbasani, Lezhë, Gjirokastër dhe në Peqin e Lushnje do të garojë vetëm për këshilla bashkiakë.
Kandidatët për kryetar bashkie nga PD
- Mallakastër- Agron Kapllanaj
2. Poliçan – Florian Qamo
3. Kuçovë – Ilirjan Koxhaj
4. Kamëz – Bilbil Bajraktari
5. Lezhë – Sandër Marku
6. Krujë – Sabah Sheta
7. Dibër – Naim Gazidede
8. Kurbin- Genc Doçi
9. Dimal- Dritan Sula
10. Patos- Pranvera Rizai
11. Vaut i Dejës- Klomentina Drini
12. Fier -Eriselda Zotaj Çelaj
13. Librazhd -Bujar Vreto
14. Vorë- Ibrahim Bruka
15. Korçë -Gjergji Gjata
16. Sarandë- Skënder Muço
17. Mirditë Mark Ruçi
